Hazikoopek “Bizkaian garapen iraunkorraren eta kohesioaren motorra” izeneko mahai-inguruan parte hartu du, Sarekin Days 2025 ekimenaren barruan. DEMAk bultzatutako urteko topaketa honek ekintzailetzaren arloko eragileak biltzen ditu, Bizkaian proiektu berriak sustatzeko ezagutza, joera eta esperientziak partekatzeko helburuarekin.
Aurtengo edizioan, Hazikoopen ordezkaria Marta Areizaga zuzendari nagusia izan da. Berarekin batera Rosa María Lavín Ibarra (KONFEKOOPeko lehendakaria), Víctor Meseguer Sánchez (Abacus kooperatibako zuzendari kudeatzaile ordea) eta Jone Nolte Usparicha (ASLEko zuzendari gerentea) parte hartu dute.
Mahai-inguruari esker, Bizkaiko eredu kooperatiboaren erronka eta indarguneetan sakondu ahal izan da, eta hainbat gai jorratu dira, hala nola finantzaketa, talde-ekintzailetza sustatzeko beharra eta kooperatibismoaren balioa, garapen jasangarria eta lurralde-errotzea sortzeko.
