Euskal kooperatibismoa indartuta atera da GEM Euskadi 2025-2026 Txostenean
Kooperatibek Euskadiko ekintzailetza-ekimenen % 8,3 osatzen dute, Espainiako estatuan baino ia hiru aldiz gehiago (% 3). Datu hori da Euskal Ekintzailetzaren Behatokiak (EEB-OVE) urriaren 8an aurkeztutako azken txostenaren adierazgarri nagusietako bat.
Azterlanak euskal kooperatibismoaren indarra aitortzen du, lehiakortasuna, parte-hartzea eta lurraldearekiko konpromisoa uztartzeko gai den enpresa-eredu gisa.
Hala ere, txostenak adierazten du Euskadiko ekintzailetza-jarduerak Espainiako batez bestekoaren azpitik jarraitzen duela. Jarduera hori % 6,8ra igo da, lau urtez jarraian haziz, baina Espainiako % 7,8tik eta Europar Batasuneko % 9,8tik behera dago oraindik. Beraz, ekimen ekintzaile berriak sustatzeko aukera zabala dago oraindik.
Kooperatiba berriak garatzeko joera positiboak ere identifikatzen ditu txostenak:
Sozietateen protagonismo handiagoa: ekintzailetza indibidualak pisua galtzen ari da sozietate gisa eratutako enpresa-ereduen aldean.
Ekintzaile gazteagoak: batez besteko adina 37 urtera jaitsi da, azken bi hamarkadetako mailarik baxuenera.
Gizartearekiko sentsibilitate handiagoa: ekimen berrien % 66,9k gizarte- edo ingurumen-eragina lehenesten du, irizpide ekonomiko hutsekin alderatuta.
Berrikuntza handiagoa: proiektu berrien % 56,2k produktu edo zerbitzu berritzaileak eskaintzen ditu.
